أيام التراث السوري             ترشيد استهلاك المياه المنزلية في لقاء توعوي             وفاة الأستاذ الدكتور صباح قباني             فعالية أيام بيئية (سوا نحمي البيئة)             حماية اسم الوردة الدمشقية            

آراء ومقالات

التاريخ : 2011-06-21


« أمثال دمشقية»

· أدن من طين وادن من عجين

· ايدين دكك ورجلين سكك

· أكبر منك بيوم أعرف منك بسنة

· العاب بالمقصوص حتى يجيك الطيار

· الحجر مطرحو قنطار

· النار ما بتحرق ايد إلا كاويها

· الحجر اللي ما بيعجبك بفجك

· المونة بدا ركونة ما بدا مرا مجنونة

· الرجل ما بتدب غير مطرح ما بتحب

· الحب مطب والعاشق أعمى

· أكل ومرعى وقلة صنعة

· الجواب بمحلو متل الدهب بمغلو

· السكافي حافي والحايك عريان

· اللي فيه مسلة بتنغزو

· ألف قلبة ولا غلبة

· ألف عين تبكي وعين أمي ما تبكي

· الرجال عند غراضها نسوان

· العين ما بتعلا عالحاجب

· الدم ما بيصير مي

· الديك الفصيح من البيضة بيصيح

· الحكي صابون القلوب

· العين بصيرة والايد قصيرة

· العز للرز والبرغل شنق حالو

· العروس بعلقها وقلة أكلها

· الطبل بحرستا والزمر بمنين

· البحر ما بتعكرو ساقية

· آب اللهاب

· ايلول دنبو مبلول

· الرحمة مخصصة والبلا بيعم

· ألف قولة جبان ولا قولة الله يرحمه

· الموت مع الناس رحمة

· الحية إذا جاعت بتعض بطنها

· الكلام بينداق متل الطعام

· اذا احتجت الكلب قوللو يا حاج كلب

· الله بيطعم الحلاوة للي مالو سنان

· القرد بعين أمو غزال

· الضرف العايب نافخو تعبان

· الكلام اللي ما بينفد ياحسرة قايلو

· الحكي الك يا كنة اسمعي يا جارة

· الآخرة يا فاخرة

· الرايح بايدو والجاية بايد الناس

· الغايب حجتو معو

· ايمتا كنا والشمس ترقعنا

· اجا ليكحلها عماها

· الرمد أشوى من العمى

· العيرة ما بتدفي وان دفت ما بتوفي

· ايد واحدة ما بتصفق

· إن داقت عليك المخازن مخزنك عبك

· البخشيش بالدرهم والعطا بالقنطار

· إن كان حبيبك عسل لا تلحسو كله

· الله يطعمك حجة والناس راجعة

· الولد اللي ما بيبكي امو ما بترضعو

· أعزب دهر ولا أرمل شهر

· اذا الصغير انتشا الكبير باس ايدو

· الطرق ولو دارت والبنت ولو بارت

· الدهر يوم الك ويوم عليك

· الخبز والماء أكل العلماء

· الحارة ضيقة والحمار رفاس

· الله ما نشاف لكن بالعقل نعرف

· الخوف بيقطع الجوف

· الرطل بدو رطل ووقية

· الصاحب ساحب

· الجنازة حامية والميت كلب

· الأعور بين العميان ملك

· الخير بخير والشر بغير

· الجمل اذا بار بيحمل قنطار

· العين مغرفة الكلام

· إن عاب عليك أصلو دلايلو فعلو

· الجمل لولا الفزة لحمل المزة

· القط ما بيهرب من العرس

· الجار قبل الدار

· الولد ولد ولو صار قاضي بلد

· الجحشة بعليقها والأصيلة بعليقها

· قال للقرعة مشطين وللعمشا مكحلتين

· متل بشكير الحمام من ايد لايد

· قال فارة وقعت من السقف قالتلها القطة اسم الله قالتلها اتركني بحالي وانا بألف خير من الله

· قال خنفسة شافت بنتها على الحيط قالتلها تقبريني متل اللولية بخيط

· قال صار للدبانة دكانة وصارت تسكّر على بكير

· قال زبال وشاكل وردة

· قال الجمل لو شاف حردبتو كان وقع وانكسرت رقبتو

· قال لبسو المكنسة بتطلع ست النسا

· قال لابق للشوحة مرجوحة ولابو بريص قبقاب

· قال الله يخليلي ياك يا لساني شلون ما درتك بتندار

· قال عم يتباهى بضفاير بنت خالتو

· قال من زبيبة بيخمر

· قال يا فرعون مين فرعنك؟؟ قلو ما لقيت حدا يردني

· قال حط اصبعتك بعينك متل ما بتوجعك بتوجع غيرك

· قال متل الحرباية بالوش مرايا وبالقفا صرماية

· قال البرغوت قال للبقة يضرب الشرشوح اذا اترقى

· قالو لكتّار الغلبة نص الدنيا الكن قالو النص التاني لميين؟؟

· قال ست وجاريتين على قلي بيضتين

· شو ما طبخت العمشا جوزها بيتعشى

· قالو للبغل مين ابوك ؟؟ قال الحصان خالي

· قال من معرفتو بالصحابة بيترضى على عنترة

· قال ياللي القلم بايدو ما بيكتب حالو من الاشقيا

· قال عم بيرش على الموت سكر

· قال ان بزقنا لفوق على شواربنا وان بزقنا لتحت على دقنا

· قال عاشقك لا تاخديه ومطلقك لا ترديه

· قال بحفر البير بابرتين وبكنش درب الحج بريشتين ولا بعاشر الخاين بكلمتين.

 

http://www.olddamas.com

 

 

 




معدل القراءة: 2107



تعليقات وآراء القراء
ملاحظة: التعليقات والآراء المذكورة تعبر عن رأي أصحابها فقط

لا يوجد تعليقات حالياً